احم احم.. كيف الحال؟
إذن هذي اول نشرة لي هنا بعد التحديث الكبير من مدراء «نيوقراوندز»، الموقع تغير بشكل جذري وصار أفضل من قبل بمراحل كثيرة (واو!)
طبعًا بالخصوص انه عندي مشاريع موسيقية كثيرة بالمخبأ عندي، بعضها بمراحلها الأولى، وبعضها شبه جاهزة وتنتظر بعض التصقيلات، والآخر سيئة لدرجة اني اهرب من المشروع اول ما أفتحه. لكن هذي هي طبيعة الحال بكونك ملحن موسيقي ;)
ايوا صح، نفس الكلام لفن البيكسل آرت، تركته مؤقتًا لأنه ما كان عندي إحساس/إلهام اني اكمله بسبب الأشهر الماضية لأني كنت عاطل بعد دراستي بالكلية التقنية، رغم انه كان عندي وقت لا محدود لكن.. التسويف يلعب دور ايضًا
ولكن الاخبار الإيجابية؟ رجعت للدراسة بالجامعة هذا الشهر، وروتيني صار منتظم ورجع لي تقريبًا بشكل تدريجي الهمة لإكمال مشاريعي! ياسلاااااام
واقدر أقول وانا شبه واثق، توقعوا الأشهر القادمة فنون بيكسل آرت + موسيقية مني!
مع السلامة
— ysfbit
